PELANTIKEN PENGURUS PERMATA GBKP RG SEMARANG
SEKTOR SALATIGA
“ Ermengkah ukurku.. ras ngataken bujur Yesus, Kam ngkelengi aku.. Kam empu geluhku, Enda ngenca Tuhan pengarapenku, aloken min Tuhan persembahenku.. pakelah geluhku jadi perkakasNdu segedang geluhku..”
enda me sada lagu si ni endeken pengurus PERMATA GBKP Semarang sektor Salatiga enca dung i lantik selaku pengurus PERMATA Periode 2008-2010.
Sabtu 24 Mei 2008, Calon Pengurus PERMATA Sektor Salatiga Enggo seh i Runggun GBKP Semarang sekitar pukul 09.00 erpagi-pagi guna ngikuti pembekalan si ni endesken BP Runggun GBKP Semarang bagepe Pengurus PERMATA Runggun man calon pengurus PERMATA Sektor Salatiga, janah acara pembekalen enda itutup alu pertoton sekitar pukul 15.30 WIB. Selang sekitar 15 menit, Anggota PERMATA Salatiga reh 8 kalak guna er PA bersama i Runggun si terletak ibas Jawa-Tengah, klasis Jakarta-Bandung enda, janah Tepat jam 17.00 Acara PA PERMATA Gabungen enggo I benaken alu meriah ras sangat hikmat, bagepe I lanjutken ku acara Perpulungun Jabu-Jabu I rumah Pt. Bp Hose Sembiring, janah PERMATA Salatiga terpaksa erberngi I rumah-rumah orang tua anggota bagepe BP Runggun Semarang.
Wari enda wari Minggu, wari sabat, nina kita kalak Kristen. Natap ku kawes kemuhen singuda-nguda anak perana pakaina baju mbiring, kai ndia lit nge ate? “ enca khotbah kena kari rende ya gi..” bage nina sekalak lulusen Sekolah Tinggi Teologia Abdi Sabda, Medan si gundari paksana studi lanjut S2 i UKSW, Salatiga si tergelar Pdt Masada Sinukaban, oh.. enggo, kepeken PERMATA Salatiga nge si mbiring bajuna ndai. Bagi biasana Tepat jam 08.30 erpagi-pagi I benaken kebaktin perminggun i GBKP Semarang, bangku arah lebe i isi calon pengurus PERMATA Salatiga si kentisik nari I tangkuhken jadi Pengurus PERMATA GBKP Rg Semarang sektor Salatiga, tapi ope denga sekalenda i tangkuhken, i bahan acara pencarin Dana guna BKSO PERMATA GBKP Klasis Jakarta-Bandung, bulan September mendatang, kantong kolekte erdalan alu i iringi Vokal Group ibas PERMATA Salatiga si erjudul “Perjuma” tampil alu bekah buluh ras uis nipes.
Pelantiken pengurus PERMATA GBKP Rg Semarang, Sektor Salatiga i benaken sekitar pukul 10.00 WIB. Pelantiken i baba Pdt Masada Sinukaban STh, Salatiga nari, alu gelar ras jabaten pengurus:
Ketua : Maria Veronika Br Perangin-angin
Sekertaris : Lusi Teguh Miranda Br Sitepu
Bendahara : Elsa Mertiani Br Tarigan
Bid Pembinaan : Marince Br Kemit
Bid Keuangan : Selvia Debora Br Ginting
Bid Partisipasi : Harmi Seliso Br Ginting
Bid Konsolidasi : Elsi Mei Marda Br Barus
Sada organisasi si mungkin la pernah terjadi ibas kepengurusen PERMATA GBKP erkiten pengurus PERMATA Sektor Salatiga la lit dilaki, amin bage gia si iarapken tentuna maka ibas kepengurusen enda kerina program-program PERMATA Salatiga banci erdalan alu mehuli ras tetap alu penampat Tuhanta saja. Selamat melayani man kam teman-teman kami Pengurus PERMATA GBKP Rg Semarang Sektor Salatiga. Tuhan Memberkati..

Imanuel Ginting’s
(Mhsw Teologi UKSW / gr KA/KR GBKP Tg. Priok)