Jumat, 28 Januari 2011

SEMINAR KONSELING PASTORAL GBKP JAMBI

"PENDAMPINGAN KONSELING PASTORAL MAN KALAK TERMINAL ILLNES"

GBKP Jambi, 22 November 2010

Senin, 22 November GBKP Rungun Jambi ngalo-ngalo sekalak pandita sekaligus dosen Fakultas Teologia Universitas Kristen Satya Wacana, Salatiga nari guna mbaba serangkaian materi mengenai Konseling Pastoral khususna ibas bidang "Kedukaan". Uga kita sebagai kalak si erkitniteken geluh sisampat-sampaten dingen sepenggejapen. Ertina, seminar enda ngerana mengenai uga kita banci "jadi sahabat" man temannta. Ingan nuriken perbeben, ingan nuriken pengejapen, bagepe jadi ingan tertande dingen ngapus iluh temannta. Ibenaken jam 6 karaben Sesi pemena ibenaken alu ende-enden pujin ras pertotin pembuka ibaba Imanuel Ginting's. Semangat ibas ngendeken puji-pujin enda teridah arah sora perpulungen siteremna 125 kalak. Pdt Perlindungen Pinem S.Th ertugas guna jadi moderator Sesi I. Sesi I ngerana mengenai pendampingen Terminal Illness, ntahpe pinakit si la banci isembuhken ras lenga lit tambar guna mpepalem pinakit enda. Emaka nina Pdt Totok Wiryasaputra M.Th sindungi Master khusus studi Pastoral Care ras Counseling enda maka nina "Untuk mendampinginya harus mengenal kebiasaannya semasa ia hidup, bersikap empatik, terampil mendengarkan, dan gunakan sarana-sarana keagamaan". Ija ibas sesi I endap e ipaparken na argumentasi Elisabeth Kubler Ross, Tahap-tahap Psikososial Dying : (Menolak, Marah, Menawar, Depresi, dan Menerima) Ija situasi enda pe igejapken Tuhan Jesus ibas kiniseranNa.

Sesi I idungi alu penungkunen si ipeseh Nd Grace Sinulingga, Bp Gina Sitepu, Nd Aditya Tarigan, Pt Bp Selly Barus ras sekalak PERMATA, Robby Ginting. Kerina penungkunen bersifat praktis janah ibas pengalamen arah keluarga nari. Menarik arah jawaben Pdt Totok nari, maka kerina ibas pemaparen seminar labo murni teori ibas teolog-teolog nari. Tapi kerina i kolaborasiken antara Teori ras Pengalamen (Nginget Pandita enda Ketua PELKES Indonesia) rikutken bahasa si sederhana sierbahanca murah ngantusisa. Sesi sipeduaken ibenaken kenca man berngi siibaba Pdt P.Pinem guna pertoton man.

Sesi sipeduaken ibenaken alu puji-pujin janah Pt Bp Monika Surbakti ertugas ibas Moderator sesi sipeduaken. Sesi II ngerana mengenai "Pendampingan Orang Berduka". Uga erbahanca kata-kata si ipeseh ibas ngapul-ngapuli banci jadi kata pergegeh dingen banci i pertanggungjawabken, sebab mekatep nina "Kita berbicara, tanpa memikirkan kata-kata dan perasaan oang yang sedang berduka. Kita kurang Emphaty atau kurang merasakan bagaimana perasaan keluarga yang ditinggalkan" Sebaiknya kita harus jadi DURA MENARI..!! (bantu DUduk bersama, bantu Runut kebelakang, bantu RAsakan dan alami kembali. Apabila perlu, bantu untuk MENAngis secukupnya, bantu berceRIta sampai tuntas)

Sesi II dung sekitar jam 9.45, janah perpulungen GBKP Jambi tetap ngikuti seminar enda seh dung. Vic Selvina Br Tarigan idampingi BP Bajem Bunut GBKP Jambi turut hadir ibas acara enda. Ibas acara terakhir seksi PWG, Nora Dk Bp Opi Ginting mewakili BP Runggun GBKP Jambi mereken bingkisen man Pdt Totok Wiryasaputra M.Th, pembicara sekaligus Dosen Visitasi Mahasiswa Praktek Jemaat GBKP Jambi, Imanuel Ginting's. Acara itutup salu ende-enden penambahen GBKP ras pertoton penutup siibaba Imanuel Ginting's. Perpulungen mulih alu mbaba "luah" luar biasa. Mbue pengarapen ibas acara seminar enda perpulungen GBKP Jambi banci lebih Emphaty man perpulungen si erceda ate dingen sepenggejapen janah sipenting "jadi sahabat" man jelma sinterem. La mandang usia, gender, status sosial ras sidebanna. Am Gloria Dei!!

Tidak ada komentar: