Kamis, 18 Juni 2009


IMANUEL GINTING'S (Mhsw Teologi UKSW)

BERSAMA

PDT ANDREAS A YEWANGOE (Ketua Persekutuan Gereja-Gereja di Indonesia)

SALATIGA, JUNE 2009

Sabtu, 06 Juni 2009

PASKAH PERMATA GBKP KLASIS JAK-PAL I HADIRI TIM BKSO PERMATA
GBKP KLASIS JAK-BAN

* Pdt Yunus Bangun : “KASIH YANG MENGUBAHKAN”

Salu tema Kasih Yang Mengubahkan, PERMATA Klasis Jakarta-Palembang erbahan acara si cukup spektakuler ibas ndalanken salah sada programna, terlebih acara enda e me ngerayaken kinekeken Yesus kayu persilang nari, rusur si gelari PASKAH. Ibas kesepaketen Pengurus PERMATA Klasis Jakarta-Palembang (PPKJP) maka acara enda ilaksaneken tanggal 18 April 2009 tepat jam 18.00 ringan i GBKP Jakarta Pusat. Vija Surbakti Rg Kebayoran Lama nari sungguh luar biasa, alu “gaya” si khas ngasup ia mbaba kerina PERMATA si hadir ersurak rende muji Tuhan alu semangat berapi-api.
PERMATA Jakarta-Palembang si reh paksa si e hampir kerina runggun ibas Klasis Jakarta-Palembang nari kecuali Runggun si erdomisili daerah SUMBAGSEL, teridah maka arah puji-pujin si i nangkihken PERMATA Jakarta-Palembang nandaken maka PERMATA sangat bersukacita kerna Yesus si itandaina enggo berhasil naluken kematen janah enggo nangkih ku Surga. Emaka ibas sepenggal khotbah Pdt Yunus Bangun si ibuat ibas 1 Yoh 4:12-17 man PERMATA si reh paksa si e nekanken maka “PERMATA adalah calon penerus bangsa khususnya Gereja yang seharusnya memiliki kasih yang sempurna, dan berguna bagi sesama” Tuhan Yesus sudah bangkit!! Emaka mari si kelengi bapanta, nandenta, bibi bengkila entahpe mama maminta, selang ibas khotbah Pendeta enda pe ibahan sada Film hasil sutradara Surya Depari isampati Joey Albert Bangun laku Produser. Film si i peranken PERMATA enda menceritaken tentang sekalak pemuda si tergelar Teo (Zulkarnaen Batubara) si rusur make kegeluhena dem alu kesia-sian, emaka ibas sada paksa jabu enda ndai ngalemi sada keadaan si cukup tragis, si bapa (Hexa Tarigan) i PHK, inventaris kantor bagepe prabot Rumah Tangga i dayaken Teo guna nukur minuman keras, agi Teo si paksana SMA denga lanai banci ikut ujian perban lanai lit sen guna nggalari uang sekolahna, emaka singkat cerita paksa Teo tunduh i kamar, reh sekalak Malaikat (Edo Tambun) janah nina “O Teo.. Tuhan Yesus enggo keke!! Emaka keke kam ibas ingan medem e nari janah lawes kam ndahi nande bapandu, mindo maaf kam man bana janah akui kerina dosandu man Tuhan!! Sengget Teo megiken kata malekat e janah minter dahi Teo nande bapana guna mindo maaf ras lawes ku Gereja guna ngakui kerina dosana man Tuhan. La ndekah Teo bertobat keadaan Jabu si langsung i peranken ketua PERMATA Klasis Jakarta-Palembang berangsur pulih.
Perlu si garis bawahi maka acara PASKAH PERMATA Klasis Jak-Pal ngalo-ngalo kerehen Tim BKSO PERMATA Klasis Jakarta-Bandung, la nggit ketadingen maka Tim BKSO enda pe nampilken sada puji-pujin rohani salu bahasa karo. Tole ibas serangkaian acara PASKAH, PKJP pe erbahan sada acara BAKTI SOSIAL ku piga-piga Panti Asuhan ras Panti Jompo, acara enda i bagi jadi telu rayon, rayon si pemena e me PERMATA GBKP Jak-Pus, Tg Priok ras Rw Mangun ringan i Panti Asuhan Griya Asih, Jakarta, rayon si peduaken Pamulang, Pengumben, Keb.Lama, ras Pasar Minggu ringan i panti asuhan Abigael, Pamulang, emaka rayon si terakhir eme Ciledug, Tangerang ras Karawaci ringan i panti Jompo Werda, Jakarta-Barat, janah acara si ibahan panitia e me Kebaktin, Games, Kesaksin, Sharing, Bagepe penyerahen bingkisen berupa uis layak pakai, sabun mandi, rsd.
Kebaktin Paskah PKJP i tutup salu puji-pujin ras pemasu-masun i baba Pdt Yunus Bangun, dung si e kerina PERMATA ngataken “SELAMAT PASKAH” asum si salam-salamen. Acara dung sekitar jam 20.30 janah PERMATA mulih alu keleng ate si rehna idur Dibata nari. Piga-piga Program PERMATA Klasis Jakarta-Palembang si ndeherna e me Latihan Kader Kepemimpinan Kristen (LK3) PERMATA Tanggal 8-10 Mei 2009 Pembicara: Pdt Raskolamta Colia M.Th, Pdt Natan Setia Budi, Pt Analgin Ginting, Pt Helman Pandia, Pt Inget Sembiring, Makmur Keliat. Selamat menjadi calon pemimipin-pemimpin yang mempunyai komitmen tinggi terlebih takut akan Tuhan. “Laus Deo” “Terpujilah Tuhan”.

Imanuel Ginting’s
(Mhsw Teologi UKSW/ PERMATA JAK-PAL)