HATI-HATI..!!
AREA BIBLE CAMP PERMATA GBKP Tg PRIOK
Wisata Mandalawangi, Gunung Gede Jawa-Barat
16-18 Agustus 2008
Pdt. Marvel Ginting : “Gundari kusungkun PERMATA, ise ndia si la kita nggit jadi
atasan..??”
Pdt. Andreas Dading : “Tuhan Yesus lebih senang bila kaum muda yang lebih banyak melayani..!!”
Kurnia Ilahi Sembiring : “Jangan pernah takut teman, sebab setiap kekurangan kita pasti dilimpahkan oleh Tuhan..!!”
“Anak Tuhan, Enjoy Aja”, sada Thema si ibahan panitia Bible Camp PERMATA GBKP Tg Priok simungkin nungkun-nungkun bas pusuhta sekalak-sekalak tentang kai kin maksudna Tema e? Adi si nen ibas kamus Bahasa Inggris-ta enjoy artina e me menikmati, jadi maksud tema enda si tuhuna e me, adi kita jadi anak Dibata, ya.. nikmati saja..!! asum kita senang entahpe sedih. Sada tema si sangat menarik menurut penulis sebab kata “nikmati” i jenda ngajak kerina anggota PERMATA Rg Tg Priok khususna tetap erpengendes saja man Dibata ibas keadaan si ugapape mberatna, ras tetap yakin kerna Dibata labo pernah nadingken anakNa tapi Ia rusur mbreken Dalan si terbaik guna geluhta sekala-sekalak
Sabtu 16 Agustus 2008, PERMATA Rg GBKP Tg Priok seh i lokasi Bible Camp sekitar jam 19.00 ope denga anggota PERMATA Tg Priok berkat ku ingan si enggo i tentuken panitia pelaksana, i sepakati maka panitia ngadaken tim advance (si mpesikap tenda, acara, ras permainen si leben ku ingan Bible Camp sada wari ope denga acara terlaksana, termasuk penulis pe salah sada dari empat kalak si iutus panitia jadi tim advance Bible Camp). Enggo dat berita maka peserta kentisik nari enggo memasuki Cibodas, emaka i alo-alo tim advance lebe sebelumna peserta Bible Camp menuju lokasi Camping. Sekitar sada jam peserta enggo istirahat entisik, kerna perdalanen menuju puncak macet luar biasa. i sepakati maka acara pemena enggo banci i benaken acara pemena e me kebaktin pembuka si ibaba langsung Ketua Panitia Bible Camp nari, Kurnia Ilahi Sembiring, ibas nats pengongenna kitab padan simbaru nari, Mrk 8:1-10 i turiken-na sada kesaksin ibas temanna nari katakenlah gelarna Cokna, si Cokna enda lit sura-surana erjabu ras atena ngena, tapi sen i gelem Cokna hanya sepuluh juta rupiah, sedangken dana si nibutuhken mencapai dua puluh juta rupiah, amin gia bage sitik pe la terpikirken Cokna kerna ngebatalken niat na ndai, berkat Cokna ku taneh kemulihenna alu pengarapen Dibata tetap si ncukupken ia ibas sura-surana erjabu nandangi impalna ndai, alu erdalanna waktu, sitik pe labo teh Cokna, lawes ia ku ATM terdekat gelah muat sen si sepuluh juta ndai, i tarikna, enggo i gelemna senna si sepuluh juta ndai, janah i baca Cokna kertas bukti penarikenna kepeken “SISA SALDO ANDA Rp 12 JUTA RUPIAH” sengget si Cokna, tapi la katakenna man kalak, ibahanna kerja adatna si sangat sederhana tapi sungguh berkesan, enda me sada kesaksin tentang perdalanen perjabun si Cokna ras Impalna si ituriken ketua panitia nari. Sungguh luar biasa kita tidak pernah tahu kapan Mukjizat itu datang kepada kita, hanya percaya kalau Tuhan sangat luar biasa Cokna bisa melangsungkan pernikahannya, Dia akan kasih kita lebih, bahkan berkelimpahan, Percayalah..!! bagem kata penutup ibas ketua panitia nari ndungken tugasna mbaba kebaktin pembuka i teruh tenda hiasi lampu Petromax.
Seksi acara ndilo kerina peserta gelah i bagi tenda bagepe ketuana, sekaligus pembagian kelompok Talent Show, perban mungkin enggo latihsa akap peserta nginget perdalanen si la ndeher itambah dalan macet total, kenca enggo i bagiken tenda, enggo sada pe lalit sora PERMATA Priok nari (enggo tunduh kerina). Tepat jam 5 erpagi-pagi peserta i singeti gelah saat teduh i tenda masing-masing, sedangken paksa si e komando senam pagi, Dino Bangun sangana mpesikap lagu bagepe tambahen geraken senam. Kebaktin Minggu i baba Pdt. Marvel Ginting (naras Pdt Jenny Eva Br Karo Sekali si enggo melayani i Rg GBKP Tg Priok nggantiken Pdt Esra Bukit) alu nats Khotbah si i buat kitab Yeremia 34:8-10 nari alu Tema si i sikapken panitia “DiMerdekakan Oleh Iman” kerna paksa si e pas hari Ulang Tahun bangsanta 63-ken” alu sepenggal khotbahna Pandita ngerana kerna Pembebasen, enggo ndia kita Merdeka??, Pembebasan itu bukan secara tiba-tiba..!!, “ saya pernah brtanya kepada teman saya, dan saya baru tahu jika di restoran cepat saji seperti MC Donalds, KFC, Pizza Hut dan sejenisnya orang yang sekarang jadi Manager di restoran tersebut mereka tidak langsung jadi manager, tapi mereka harus menjadi bawahan terlebih dahulu, bahkan sebelum ada yang jadi manager ia menjadi Office Boy, atau Office Girl artinya, ketika kita ingin merdeka, kita harus butuh perjuangan, sedikit saya bertanya dengan bahasa karo, Ise ndia kita si la nggit jadi manager ntahpe atasan?? Adi nggit kam! Terus kam berjuang, alu pertoton penutup kebaktin Minggu, i terusken Pdt Marvel ku Sesi 1 tentang kaum muda yang yang siap menjadi pelayan-pelayan Tuhan “ ya kalo melayani jangan gampang tersinggung..!! ” waktu terus erdalan, singkat cerita tugas Pdt Marvel selaku mbaba perminggun ras sesi pertama enggo dung, janah i temanina PERMATA Priok ku acara permainen. Pandita nadingken lokasi sekitar pukul 15.00 i temani sekalak perwakilen BP Runggun, Pt Bp Ayu Sembiring menuju lokasi reatreat tim Doa Diakonia GBKP Tg Priok si la ndauh ibas lokasi Bible Camp nari.
La gejap kepeken kami enggo memasuki malam terakhir, paksa si e enggo reh perwakilen KOMPER (Komisi PERMATA) Rg GBKP Tg Priok, si i wakili Pt Bp Imanuel Ginting radu ras piga-piga peserta si la baci berkat wari Sabtu erkiteken tugas ngajar sekolah, rsd. Sesi 2 e mekap sesi Tanya jawab seputar pelayanen kaum muda entahpe PERMATA i tengah-tengah GBKP Umumna ras GBKP Rg Tg Priok khususna, alu ciri khasna si sangat semangat nuriken kata Dibata, la ketadingen Pendeta si enggo meraih gelar Doktor Theologia enda nuriken seputar pelayanena sanga ikut denga ia ibas organisasi pemuda i tengah-tengah Gerejana, betul-betul tergejap ke-rasa ingin tahuan PERMATA GBKP Tg Priok seputar pelayanan, bahkan la sitik PERMATA si nungkun bagepe ersaksi. Sesi 2 i akhiri sekitar jam 22.00 WIB, acara selanjutna e me malam apresiasi ras api unggun, kerina peserta Bible Camp si i bagi ibas piga-piga kelompok, nunjuken ke-kreatifen-na masing-masing ibas mbaba cerita bagepe karakter tokoh Alkitab si enggo ipesikap seksi acarana ope denga acara, juri si ertugas paksa Talent Show e me Pdt Andreas Dading ras Komisi PERMATA GBKP Tg Priok, acara Talent Show enda e me acara penutupan entahpe malam terakhir ope denga kebaktin penutup, e maka enca enggo kerina peserta Bible Camp la erngadi-ngadi tawa perban cara penyampaian cerita bagepe tokoh Alkitab tiap-tiap kelompok sangat kreatif janah la kaku (bahanna lawaken-na). Api bekas api unggun gara denga, i sepakati maka daging B2 si ibaba Komisi Permata ras piga-piga peserta maka daging e ndai i tutung datas bara api bekas Talent Show simbaru denga berakhir. Ibas berngi si enggo gelap janah udara mbergeh lanai gelap erkiteken cahaya api unggun, lanai mbergeh erkiteken las na bara api si i kelilingi PERMATA tarum man daging B2 si enggo tasak, janah lit ka deba petikna gitar ngendeken lagu Karo si mbaru beredar. Janah pepagina hanya ibadah pengutusen i susul permainan si enggo isikapken (permainen: lomba perahu dayung, Flying Fox, rsd). Pembagin hadiah bagepe kata sambuten si wakili Orang tua nari Pt Bp Feliks Targan ras Pt Bp Imanuel Ginting si mewakili Komisi PERMATA i benaken enca enggo dung acara games. Jam 16.00 WIB Peserta nadingken lokasi Bible Camp alu pengarapen mulih ingan e nari lit jiwa-jiwa si nggit ras tutus ngelai i juma Dibata khususna GBKP simalem enda, Syalom.. selamat ibas prestasi Mamre GBKP Tg Priok ibas HUT Mamre Klasis Jakarta-Palembang i Jambi, Bola Volley Juara III, Bulu tangkis juara II, ras Tarik tambang juara II, erpengarapen kita gelah Mamre GBKP Tg Priok tambah erdiate, ras tambah erpemere sesuai moto Mamre “erdiate ras er pemere” bagepe kegiaten-kegiaten PA KAKR ras PERMATA Klasis si ikuti penulis selama liburen i Jakarta, salam penulis man Pandita Jenny Eva br Karosekali M.Min ras Naras Pdt Marvel Ginting STh, Selamat datang, Selamat melayani i Rg GBKP Tg Priok Klasis Jakarta-Palembang.. Tuhan Yesus memberkati. AMIN..
Imanuel Ginting’s
(Mhsw Teologi UKSW / gr KA/KR GBKP Tg. Priok)