Rabu, 18 Februari 2009

FOTO ORIENTASI PELAYAN KA/KR
KLASIS JAKARTA-PALEMBANG 18 JANUARI 2009
TMII






ORIENTASI PELAYAN KA/KR GBKP KLASIS

JAKARTA-PALEMBANG

Melayani, bukan dilayani..!! enda me sada Thema si labo asing si begi kune kita erdahin I bas juma Dibata, terlebih kerna tahun enda e me tahun Diakonia entahpe tahun pelayenen, artina program kerja 2009 i fokusken ku pelayanenta man Tuhan ras man jelma si membutuhken belas kasihenta, sada Thema si cukup singkat, padat, tapi jelas si ibuat ibas kitab padan si mbaru nari e me kitab matius. Janah Thema enda pe i pake guna Orientasi Pelayan KA/KR GBKP Klasis Jakarta-Palembang menaken awal tahun enda. Tepat ibas tanggal 18 Januari 2009 Jam 08.00 WIB erpagi-pagi kebaktin ibuka alu puji-pujin ras renungan si ibaba Pdt Ivon M.Th, ibas renungen Pandita si rusur melayani i KA/KR GBKP Klasis Jakarta-Palembang enda ngataken maka kerina Pelayan KA/KR ibas gedung enda e me Pelayan!! Yang senantiasa untuk melayani, dan bukan dilayani, namun apakah kita sudah melakukan salah satu tri-tugas panggilan gereja tersebut dengan sungguh-sungguh dan kita melakukannya untuk kebesaran nama Tuhan?? alu sorana silantang bagepe khas rikut ber-api-api pandita nekanken maka ula sada pe pelayan KA/KR GBKP terutama Klasis Jakarta-Palembang lit si sombong perban kam enggo melayani!! bagenda pesan akhir Pandita enda ndungi tugas-na mbaba renungen i teruh las-na matawari si enggo pantek. Acara orientasi terus mengalir, acara selanjutna e me kap penampilen pelayan KA/KR GBKP Rg Cengkareng nari, alu sada puji-pujin si sangat menyentuh pusuh kami sekalak-sekalak, khususna para Pelayan Tuhan, janah erkiteken jam pe enggo seh jam man ciger e maka Rosmala Sari Br Sinuraya selaku ketua KA/KR GBKP Klasis Jakarta-Palembang mbaba kami kubas pertoton man.

Kenca enggo dung man, emaka acara i lanjutken ka kubas acara mbahas Program KA/KR Klasis Jakarta-Palembang, tapi ope denga si e Pelayan KA/KR GBKP Tg Priok enggo ersikap guna nampilken sada puji-pujin si enggo i kemas secara menarik, i arapken gelah arah lagu si ibaba Pelayan KA/KR Tg Priok enda la lit si latih-latih guna ngelai Tuhan, ningen pe “Jangan Lelah Bekerja di ladangnya Tuhan”, kenca enggo dung rende e maka Pelayan si make seragam batik enda kundul ku ingan na sekalak-sekalak. Emaka acara terus erdalan alu ncakapken Program KA/KR Klasis Jakarta-Palembang, ras ibas waktu si e ka pe ipindo pengurus KA/KR Klasis masuken-masuken entah pe saran-saran ibas Runggun-runggun nari alu sada tujun gelah Program e erdalan alu mehuli ras keputusen-keputusen sie e me hasil keputusen bersama, Mari ras-ras kita ncakapken Programta alu kepala dingin gelah kai si kurang ibas tahun si lewat gelah banci si evaluasi ras si puhuli guna Programta tahun enda, nina Ketua KAKR Klasis, Rosamala Sari Br Sinuraya Runggun GBKP Pengumben nari mbuka sidang, teridah maka Prorgram KAKR Klasis tahun enda cukup menyadari bahwa tahun enda e me tahun Diakonia, salah sadana e me kap program galang ibas kegaiaten tahun enda si tergelar Aksi Bakti Sosial anak Tanggung - Remaja radu ras anak-anak daerah Cibodas si terkena pinakit kulit, batuk-batuk, sesak napas, rsd.. si ilaksanaken ibas pertengahen tahun enda, janah program si e pe membutuhken kerjasama kerina ngawan perpulungen tiap Runggun GBKP ibas Klasis Jakarta-Palembang si lit profesina sebagai dokter guna meriksa kerina anak-anak e, janah pe pengurus KA/KR genduari sangana menjalin kerjasama ras Sekolah Tinggi Theologia Cipanas guna menyediaken ingan bakti sosial enda, sada program si cukup membuat “gebrakan” baru bagi penulis pribadi kerna KA/KR GBKP benar-benar “melihat keluar” artina tahun Diakonia ntahpe Pelayanenta la ngenca membangun spiritualitas kita saja, tapi kalak sideban pe sungguh merasaken kehadiren Tuhan melalui kita anak-anakNa i tengah-tengah GBKP si ndalankan tri-tugas Gereja, tepat jam 15.00 WIB karaben kerina program-program Klasis enggo i bahas ras i evaluasi ras-ras janah hasil keputesen e pe hasil keputusen bersama, tentu iarapken pe labo terjeng saran, masuken, bagepe kritiken ngenca silakoken tapi ersada arih guna ras-ras ndalanken program ibas tahun enda, Peserta Orientasi si lebih sekitar seratus kalak mulih alu dem keriahen ras tentuna lit Semangat baru guna ngelai calon penerus GBKP masa mendatang. Dibata nge si masu-masu pendahintna sekalak-sekalak, KA/KR Yang sukses dan berhasil adalah KA/KR yang mau belajar dan terus belajar, dan selalu memakai kata “ Semangat ” dalam setiap pelayanan yang kita lakukan dalam menjalankan panggilan Tuhan di tengah-tengah GBKP, salam penulis man Pdt Sonni Petrus Sembiring Milala (Mama), Rg GBKP Jambi si enggo terpilih jadi ketua PGIW Jambi ibas piga-piga bulan si lepas, Selamat melayani, Tuhan Yesus Sanantiasa Memberkati. Soli Deo Gloria.. AMIN

Imanuel Ginting’s

(Mhsw Teologi UKSW/ Pelayan KAKR Tg Priok)

email : nuel_gbkp@yahoo.co.id

Website : nuelginting.blogspot.com